Extrait d'une des fables de Gène Charier...

In tout p’tçhit gna, in gna d’ l’an-naïe,
Qui v’net à pein-n’ d’étr’ détrié,
Buvet à la rouére in’ réciaïe,
A l’imbre d’in grand puplier.
Quand (i) a-t-adju bu l’iau courante,
En tournant la taït’, peur hasard,
L’vit in’ baït’ qu’avet l’ér méchante,
Qui s’ deurset d’sso in châgn’ têtard.
A l’ le r’gardet avec envie ;
On aret dit qu’étet in chin,
Me pas keùm lés chins d’ mouétairie,
(I) avet lés poels bérèd’ moins lings.
Etet l’ louc. Le v’la qui s’apperche.
" C’ment s’fait o, djissit euil au gna,
Qu’tu vins bouér meun iau so tchett’ roche ?
Savas-tu pas qu’étet à ma ? "
////